शासनाची माहेरघर योजना कागदोपत्रीच राबवली,अधिकार्‍यांची खर्‍या अर्थाने चौकशी करून कारवाई करायला हवी..!मोखाडा तालुक्यातील जुळे दगावल्यानंतर पालघर जिल्ह्यातील आरोग्य व्यवस्थेचा प्रश्न ऐरणीवर..!
जोहार इंडिया न्यूज 24 (प्रतिनिधी )
खोडाळा: सचिन पाटील .
खोडाळा: मोखाडा तालुक्यातील जुळे दगावल्यानंतर पालघर जिल्ह्यातील आरोग्य व्यवस्थेचा प्रश्न ऐरणीवर आला आहे. घरीच प्रसुती होवून दोन बाळे दगावल्याची घटना घडल्यानंतर वाडा तालुक्यात गर्भवतीला रस्ता व्यवस्थित नसल्यामुळे धावपळ करावी लागल्याची घटना घडली.
यामुळे आरोग्य विभाग आणि बांधकाम विभागाविरोधात संताप व्यक्त होत असतानाच गरोदरमातांसाठी पावसाळ्यात उपयुक्त ठरणारी माहेरघर योजना नेमकी आहे कुठे? असा सवाल आता उपस्थित होत आहे. कारण पावसाळ्यात किंवा रस्ते नसलेल्या गावपाड्यांतील गर्भावतींसाठीच ही योजना असून योजना चांगली राबवली गेली असती तर या घटना घडल्या नसत्या असा आशावाद व्यक्त होत आहे.
यामुळे अशा कल्याणकारी योजना कागदावरच राबवणार्‍या अधिकार्‍यांची खर्‍या अर्थाने चौकशी करून कारवाई करायला हवी जेणेकरून अशा कामचुकार अधिकार्‍यांवर जरब बसेल अशी मागणी सर्व सामान्य नागरीक करीत आहेत. दुर्गम भागात अवघड रस्ते तसेच का ठिकाणी रस्तेच नसल्यामुळे गर्भवतींना वेळेवर आरोग्य संस्थांमध्ये दाखल करणे जिकरीचे बनते. अशा घटना पालघर जिल्ह्यातील अनेक गावपाड्यांत घडल्या देखील आहेत.अशा महिलांसाठी राष्ट्रीय आरोग्य अभियानांतर्गत पालघर ,नांदेड ,नंदुरबार,नाशिक,अमरावती गोंदीया चंद्रपूर गडचिरोली आणि यवतमाळ या ९ जिल्ह्यात माहेरघर योजना राबविण्यात येते.
या योजनेनुसार जिथे रुग्णवाहिका वैद्यकीय सेवा पुरवण्यात अडचणी आहेत. तेथील गर्भवती महिलांना संभाव्य प्रसुतीच्या चार ते पाच दिवस अगोदरच जवळच्या प्राथमिक आरोग्य केंद्रात दाखल केले जाते, तिथ पासून प्रसुतीपर्यंत त्या महिलेच्या जेवणाची राहण्याची व्यवस्था त्याच बरोबर बुडीत मजुरी म्हणून दररोज २०० रुपये एवढी रक्कमही दिली जाते. अशी सर्वंकष सुंदर अशा योजनेला मूठमाती देण्याचे काम स्थानिक आरोग्य यंत्रणाकडून होत असल्याचे समोर आले आहे.
कारण जर अशा चांगल्या योजना असताना घरी प्रसुती होतेच कशी हा प्रश्न आहे. मरकटवाडी येथील घटना याला अपवाद असली तरी आजही ग्रामीण भागात अनेकदा प्रसुती घरीच होतात. मात्र कागदोपत्री मात्र आरोग्य केंद्रात दाखवल्या जाण्याचे प्रकार घडतात यामुळे शासनाची माहेरघर योजना कागदोपत्रीच राबवली जात असल्याचे दिसून येत आहे.
शासनाची माहेरघर योजना कागदोपत्रीच राबवली,अधिकार्‍यांची खर्‍या अर्थाने चौकशी करून कारवाई करायला हवी..!मोखाडा तालुक्यातील जुळे दगावल्यानंतर पालघर जिल्ह्यातील आरोग्य व्यवस्थेचा प्रश्न ऐरणीवर..!
यामुळे अशा कल्याणकारी योजना कागदावरच राबवणार्‍या अधिकार्‍यांची खर्‍या अर्थाने चौकशी करून कारवाई करायला हवी जेणेकरून अशा कामचुकार अधिकार्‍यांवर जरब बसेल अशी मागणी सर्व सामान्य नागरीक करीत आहेत.
Total Users : 10829