महावितरण विभागाच्या उप कार्यकारी अभियंत्याला एक लाख रुपयांची लाच घेताना पालघर लाचलुचपत प्रतिबंधक विभागाने रंगेहात अटक ..।!
जोहार इंडिया न्यूज 24 (प्रतिनिधी )
वाडा : महावितरण विभागाच्या उप कार्यकारी अभियंत्याला एक लाख रुपयांची लाच घेताना पालघर लाचलुचपत प्रतिबंधक विभागाने रंगेहात अटक केली (ACB of palghar arrested him red handed while accepting a bribe of one lakh rupees) असून सामान्य जनतेला प्रचंड त्रासदायी असलेल्या या अधिकाऱ्या विरोधात झालेल्या या कारवाईने तालुक्यामध्ये आनंदाचे वातावरण पसरले आहे.
महावितरण विभागाच्या वाडा उप कार्यकारी अभियंत्याला कंत्राटदाराकडून एक लाखांची लाच स्वीकारताना रंगेहाथ अटक करण्यात आली आहे.
पालघर विभागाच्या लाचलुचपत प्रतिबंधक विभागाच्या अधिकाऱ्यांनी ही कारवाई केली असून वाडा पोलीस ठाण्यात याबाबत रात्री उशिरा गुन्हा दाखल करण्याचे काम सुरु होते. वाडा तालुक्यातील गोरगरीब जनतेला अवाजवी बिले देउन त्यांना प्रचंड मनस्ताप देणाऱ्या या अधिकाऱ्यावर झालेल्या या कारवाईने जनतेने समाधान व्यक्त केले आहे. या कारवाईत पालघर विभागाचे पोलीस उप अधिक्षक नवनाथ जगताप, पोलीस उप निरीक्षक स्वपन बिस्वास, हवालदार संजय सुतार, विलास भोये, निशा मांजरेकर,अमित चव्हाण, नवनाथ भगत, सखाराम दोडे आदी सहभागी होते
Total Users : 10829