२५ तारखेला दिसणार खंडग्रास सूर्यग्रहण…..!
जोहार इंडिया न्यूज 24 (प्रतिनिधी )
मंगळवार दिनांक २५ रोजी दिसणार खंडग्रास सूर्यग्रहण. हे ग्रहण संपूर्ण भारतातून दिसेल.
खगोलीय भाषेत सांगायचे झाले तर ग्रहण म्हणजे सावल्यांचा खेळ त्यामुळे ग्रहणात घाबरून जाण्याचे कारण नाही. तर या खगोलीय घटनेचा आनंद घ्यावा असं आवाहन आम्ही आमच्या अनुजा अवकाश निरीक्षण केंद्रा मार्फत करत आहोत.
सदर सूर्यग्रहण मंगळवारी संध्याकाळी ४ वाजून ५० मिनिटांपासून सूर्यास्त होईपर्यंत पाहता येईल. सूर्यग्रहण असल्याने ते उघड्या डोळ्यांनी पाहू नये तर योग्य त्या साधनांचा वापर करावा जसे ग्रहण चष्मे ,सोलर फिल्टर ,वेल्डिंग काच ई. साधन उपलब्ध असली तरी ग्रहण सलग पाहू नये.
ग्रहण काळात कोणत्याही प्रकारचे उपास , व्रत करण्याची आवश्यकता नाही. कारण या गोष्टींना कोणताही वैज्ञानिक आधार नाही. हे खंडग्रास सूर्यग्रहण पाहण्याची सोय आमच्या केंद्रात आहे.
-चंद्रकांत घाटाळ
(संचालक – अनुजा अवकाश निरीक्षण केंद्र कासा )
Total Users : 10829