एस.टी.बसेसची संख्या कमी प्रवाशी बेहाल..
जोहार इंडिया न्यूज 24 (प्रतिनिधी )वर्धा : – प्रा.दिनेश राठोड.
महामंडळाने हिंगणघाट आगाराला गेल्या अनेक वर्षांपासून एकही नवी लालपरी (एसटी) दिली नाही.त्यातच ज्या जुन्या बसेस होत्या, त्यापैकी ४ बसेस कुचकामी असल्याने धूळखात पडून आहेत. अनेक बस गाड्यांना १० ते १२ वर्षे झाली आहेत. त्यांनाही आता ‘ब्रेकडाऊन’ची घरघर लागल्याने त्या कशाबशा खडखड आवाज करत धावत आहेत.आगारात असलेल्या ४३ पैकी ४ ते ५ बसेसची स्थिती वाईट आहे.त्या कधी दम सोडतील याचा नेम नाही. सुरक्षित प्रवासाच्या नावावर एसटी महामंडळ भाडेवाढ करत असले तरी प्रवाशांच्या
आरामाबाबत मात्र गंभीर नाही. त्यामुळे प्रवाशांना नाइलाजाने धक्के खात प्रवास करावा लागत आहे. त्यामुळे प्रवासी वैतागले आहेत, अनेक कर्मचारी,ग्रामीण भागातील प्रवाशी विद्यार्थी यांना दररोज कामासाठी व शाळेसाठी एसटीने प्रवास करावा लागतो. कधी-कधी एसटी बस नादुरुस्त असते. यावेळी इंजिनमधून आवाज येतो.बस मधेच बंद पडते, त्यामुळे प्रवासात खूप त्रास होतो.
एसटी महामंडळाने नवीन बसेस उपलब्ध करून द्याव्यात.
– नमित हस्ते,सचिन महाजन प्रवासी (पिपरी)
५० नवीन बसेसची मागणी
वारंवार शासनाकडे व वरिष्ठ कार्यालयाकडे केली आहे आगारात सद्या त्यापैकी ४३ बसेस आहेत पैकी ४ ते ५ नादुरुस्त आहेत तर काहींचे इंजिन खराब झाले आहे.आम्ही ४० ते ५० नव्या बसेसची मागणी केली आहे.- नेवारे साहेब आगार व्यवस्थापक, हिंगणघाट
मागील काही वर्षात अनेक एसटी बसेसचे आयुष्य संपले. त्यामुळे त्या भंगार झाल्या होत्या त्या बसेसचे स्पेअर पार्ट बंद पडलेल्या बसेस मध्ये बसवून जास्तीत जास्त बसेस चालू स्थितीत ठेवण्याचे प्रयत्न आगार प्रमुख करत आहेत. बस फेऱ्यांचे नियोजन करतांना अमाप अडचणीचा सामना करावा लागत आहे पहाटे आगारातून निघालेली बस रात्री सर्व फेऱ्या मारून उभी राहते दिवसभर चालल्याने त्या बसचे इंजिनचे टेम्प्रेचर वाढून बिघाड होत आहेत.पण बसची संख्याच कमी असल्यामुळे त्यावर उपाय नाही. त्यानंतरही महामंडळाने एकही नवी बस दिली नाही.हव्या असलेल्या संख्येपेक्षाही ५० टक्के बसेसच्या भरवशावर काम भागवले जात आहे.आणि आगार प्रमुखांना तारेवरची कसरत करावी लागत आहे,विशेष म्हणजे आगार व्यवस्थापक श्री नेवारे साहेब हे जोपर्यंत बसस्टँड वरील शेवटचा प्रवाशी विद्यार्थी असो वा ग्रामीण भागातील ये जा करणारे लोकं हे त्याच्या गावी जात नाही तोपर्यंत बसस्टँड वर प्रवाशांजवळ जाऊन जातीने चौकशी करून त्यांचा जवळ उभे राहतात व बसेस च्या फेऱ्यांचे नियोजन करतात,त्यांच्या समस्या सोडवितात हि बाब उल्लेखनीय आहे.
Total Users : 10829