‘डम्पी’ नावाचा पहिला विज्ञान कथा संग्रह लवकरच प्रकाशित…
कासा ji24news – पालघर जिल्ह्यातील प्रसिद्ध खगोल अभ्यासक व अनुजा अवकाश निरीक्षण केंद्र कासा चे संचालक चंद्रकांत घाटाळ यांचा ‘डम्पी’ नावाचा पहिला विज्ञान कथा संग्रह लवकरच प्रकाशित होत आहे.
डम्पी या पुस्तकात सहा विज्ञानकथा असुन त्या वाचुन मुलांमध्ये विज्ञानविषयी आवड व प्रेम जागृत व्हायला मदत करतील व त्यांच्यामध्ये वैज्ञानिक दृष्टिकोन निर्माण करतील अशी आशा घाटाळ यांनी व्यक्त केली.
या पुस्तकाचे प्रकाशन ‘डिंपल पब्लिकेशन मुंबई’ यांच्या मार्फत होणार असुन सदर पुस्तकासाठी प्रसिद्ध ज्येष्ठ विज्ञान लेखक जोसेफ तुस्कानो यांनी प्रस्तावना दिली आहे.
या पुस्तकाचे प्रकाशन दांडेकर कॉलेज पालघर येथे करण्याचे नियोजित आहे. असे चंद्रकांत घाटाळ यांनी सांगीतले.
सदर पुस्तकाची किंमत २०० रुपये असुन जास्तीत जास्त पालकांनी मुलांसाठी हे पुस्तक खरेदी कराव असं आवाहन अनुजा अवकाश निरीक्षण केंद्रमार्फत करण्यात येत आहे.
Total Users : 10829