गारमाळ येथे रानभाजी महोत्सव मोठ्या उत्साहात पार पडला
प्रतिनिधी-दीपक भोये विक्रमगड
विक्रमगड दि.२३/०९/२०२३ विक्रमगड तालुक्यातील ग्रामपंचायत खुडेद पैकी गारमाळ येथील ग्रामस्थांनी वयम् चळवळीचे सहकार्याने रानभाजी महोत्सव चे आयोजन केले होते.येथील महिलांनी जंगलात मिळणाऱ्या विविध १६ प्रकारच्या भाज्या आणल्या होत्या. या सर्व भाज्यांचे उपस्थित सर्व पाहुणे व ग्रामस्थ यांनी एकत्रित स्नेहभोजन केले.गारमाळ येथील महिलांना कोणत्या ऋतूत कोणती भाजी जंगलातून सहज मिळते आणि कोणती भाजी कशा प्रकारे तयार करायची तसेच येथील महिलांना जंगलातून मिळणाऱ्या रानभाजी चे विविध प्रकारचे औषधी गुणधर्माची माहिती आहे परंतु आता या रानभाज्या पाहिजे त्या प्रमाणात मिळत नाहीत आणि आताच्या पिढीला या रानभाज्यांची पाहिजे तेव्हढी माहिती नसल्याने सध्या या भाज्यांचे आहारातील प्रमाण बरेचसे कमी झाले आहे.सध्याच्या रासायनिक औषधे व खतांच्या युगात बिना खतांच्या रानभाज्यांचे महत्व आणि जतन व संवर्धन याविषयीचे मार्गदर्शन वयम् चळवळीचे अध्यक्ष विनायक थाळकर यांनी उपस्थित ग्रामस्थांना केले.तसेच कार्यक्रमासाठी उपस्थित प्रमुख पाहुण्यांनी आपापले मनोगत व्यक्त केले आणि नंतर उपस्थित सर्वांनी तारपा या आदिवासींच्या पारंपरिक वाद्यावर नाचून आनंद व्यक्त करत रानभाजी महोत्सव साजरा केला.
यावेळी प्रमुख पाहुणे म्हणून मुंबईचे समीरजी व त्यांची टीम तसेच ठाणे येथील कविताताई व त्यांची टीम तसेच पेसा ग्रामसभा मोबिलायझर सुशिला पाटारा,वयम् चळवळीचे कार्यकर्ते देवेंद्र थोटगा, भारत पाटारा आणि बहुसंख्येने ग्रामस्थ बंधू भगिनी उपस्थित होते.
Total Users : 10829