ग्रामसेवकांचे काम बंद आंदोलन सुरू ग्रामपंचायत ची कामे ठप्प…
सरपंच, उपसरपंचांचाही पाठिंबा
प्रतिनिधी ji24news-दीपक भोये…
विक्रमगड
गेल्या अनेक वर्षांपासून सातत्याने केल्या जात असलेल्या मागण्यांबाबत सरकारचे पुन्हा लक्ष वेधण्यासाठी राज्यभरातील सर्व ग्रामसेवकांनी सोमवारपासून काम बंद आंदोलन पुकारले आहे. हे आंदोलन २० डिसेंबरपर्यंत सुरू राहणार आहे. जिल्ह्यातील सर्व ३७२ ग्रामसेवक या आंदोलनात सहभागी आहेत. या आंदोलनाला सरपंच, उपसरपंच, सदस्य, तसेच रोजगार सेवक, ग्रामपंचायत कर्मचाऱ्यांनीही पाठिंबा दिला आहे.
ग्रामपंचायतीच्या सदस्यांना स्वतंत्र विकास निधी देण्यात यावा, सरपंच, उपसरपंच यांच्या मानधनात वाढ करण्यात यावी, विधान परिषदेच्या निवडणुकीत ग्रामपंचायत सदस्यांना मतदानाचा अधिकार मिळावा, शिक्षक, पदवीधर आमदारांच्या धर्तीवर महाराष्ट्रात सहा विभागांत सहा सरपंच आमदार करावेत, मुंबईत सरपंच भवन बांधावे, रोजगार सेवकांना नियमित प्रति महिना १५००० मानधन देण्यात यावे आदी मागण्या या काम बंद आंदोलनाच्या माध्यमातून करण्यात आल्या आहेत.
दरम्यान, ग्रामसेवकसह ग्रामपंचायत संबंधित सर्व कर्मचारी, पदाधिकारी काम बंद आंदोलनात सहभागी झाल्याने ग्रामपंचायतीचे सर्व कामकाज ठप्प झाले आहे.
Total Users : 10829