*मनोर – पालघर व जव्हार – मनोर या नाशिकच्या पार्श्वभूमीवर असलेल्या मार्गाच्या तातडीच्या विकासाची मागणी . *विक्रमगड प्रतिनीधी – प्रशांत दाव्हाड *विक्रमगड* / *पालघर* – अर्धकुंभ मेळा २०२७, नशिक या महत्त्वपूर्ण धार्मिक सोहळ्याच्या पार्श्वभूमीवर एन एच १६० ए ( मनोर – पालघर आणि जव्हार – मनोर) या महामार्गाच्या तातडीच्या विकासासाठी खासदार डॉ. हेमंत सवरा यांनी केंद्रीय रस्ते आणि महामार्ग मंत्री नितीन गडकरी साहेब यांची भेट घेऊन मार्गाच्या दुरुस्ती व विस्तारासाठी निधी मंजूर करण्याची मागणी केली. अर्धकुंभ मेळा हा लाखो भक्त, पर्यटक आणि साधू – संताचे केंद्रबिंदू असलेला ऐतिहासिक सोहळा आहे. नाशिककडे जाणाऱ्या विविध मार्गावर मोठया प्रमाणात वाहतूक वाढण्याची शक्यता आहे. विशेषतः पालघर जिल्ह्याच्या हे महामार्ग धार्मिक, व्यापारी पर्यटनदृष्ट्या महत्त्वाचा असल्याने त्याचा विकास अत्यावश्यक आहे. सद्या या महामार्गाची परिस्थिती अत्यंत खराब असून, वाहतुकीस अडथळा निर्माण होत आहे. अपघाताचे प्रमाण अधिक वाढत असून नागरिकांना व वाहनचालकांना मोठया प्रमाणात समस्यांना सामोरे जावे लागत आहे. म्हणून याची दखल घेऊन खासदार डॉ. हेमंत सवरा साहेब यांनी या मार्गाच्या दुरुस्ती व चौपदरीकरण करण्यासाठी आवश्यक निधी तत्काळ मंजूर करण्याची विनंती केली आहे. यासंदर्भात केंद्रीय मंत्री नितीन गडकरी साहेब यांनी सकारात्मक प्रतिसाद देऊन लवकरच आवश्यक कार्यवाही केली जाईल, असे आश्वासन दिले आहे.
Total Users : 10829