फर्स्ट ऑल इंडिया इन्विटेशन रियल गोल्ड ऑफ आईस अँड रोलर स्केटिंग चॅम्पियनशीप स्पर्धेत विद्या मंदिर – मांडा,टिटवाळा यांची सुवर्ण कामगिरी…..
जोहार इंडिया 24 न्यूज (प्रतिनिधी )..
ठाणे .रविवार दि. 3 जुलै 2022 रोजी पार्थ इंडिया स्पोर्ट्स फाऊंडेशन डी.आर.एस.ए.अकॅडमी अँड ए.के. अकॅडमी यांच्या आयोजनाने आणि आईस स्केटिंग असोसिएशन ऑफ इंडिया यांच्या सहकार्याने पहिली ऑल इंडिया इन्विटेशन रियल गोल्ड ऑफ आईस अँड रोलर स्केटिंग चॅम्पियनशीप – बोरिवली,मुंबई येथे संपन्न झाली.
या स्पर्धेत छत्रपती शिक्षण मंडळ, कल्याण संस्थेच्या प्राथमिक व माध्यमिक विद्यामंदिर – मांडा,टिटवाळामधील कु.उत्कर्षा रामदास गाडर इयत्ता – तिसरी ‘अ ‘ हिने क्वाड स्केटिंग – 10 वर्षे वयोगटात प्रथम क्रमांक पटकावून सुवर्ण मिळवले तर कु.दक्षतनया रामदास गाडर इयत्ता सातवी ‘ब ‘ हिने देखील इनलाईन स्केटिंगमध्ये – 12 वर्षे वयोगटात प्रथम क्रमांक पटकावून सुवर्ण पदक मिळवले आहे. तसेच कु.केतकी मयूर राऊत इयत्ता तिसरी ‘ अ ‘ हिने इनलाईन स्केटिंगमध्ये 8 वर्षे वयोगटात तृतीय क्रमांक पटकावून कांस्य पदकाची कमाई केली आहे.
ही स्केटिंग स्पर्धा आईस स्केटिंग असोसिएशनचे जनरल सेक्रेटरी मा.श्री.जगराज सिंह सहनाय यांच्या उपस्थितीत पार पडली असून सोबत अनेक राज्य व राष्ट्रीय स्तरावरील खेळाडू व प्रशिक्षक उपस्थित होते.
शाळेतील खेळाडूंना सागर स्केटिंग अकादमी टिटवाळा येथील प्रशिक्षक श्री.कुलदीप सागर सर यांनी मार्गदर्शन केले तर शाळेतील प्राथमिक व माध्यमिक विभागाचे मुख्याध्यापक सौ.स्वप्ना दिक्षित मॅडम व श्री.विलास व्हावळ सर यांचे सहकार्य मिळाले.
Total Users : 10828