जोहार इंडिया न्यूज 24 (प्रतिनिधी )
जागतिक आदिवासी दिनानिमित्त वाडा ग्रामिण रुग्णालय येथे भव्य रक्तदान शिबिर सपन्न. .!
रक्त कर्ण प्रा . किरण थोरात सर .
वाडा तालुका .आदिवासी मुक्ती मोर्चा सामाजिक संघटना वाडा तालुका कमिटीच्या वतीने ९ ऑगस्ट जागतिक आदिवासी दिनानिमित्त ग्रामिण रुग्णालय वाडा येथे सकाळी १० ते सायंकाळी ०३ वा. या दरम्यान रक्तदान शिबिर सपन्न झाले.
पालघर जिल्हामध्ये सर्वच तालुक्यामध्ये जागतिक आदिवासी दिनानिमित्त विविध कार्यक्रमाचे आयोजन केले जाते,रँली,सांस्कृतिक कार्यक्रम,आदिवासी संस्कृती,चालिरिती,परंपरेचे दर्शन या दिवशी पाहायला मिळते.
वाडा तालुक्यामध्ये आदिवासी मुक्ती मोर्चा सामाजिक संघटना वाडा तालुका कमिटीच्या वतीने सेवाभावी कार्यक्रम म्हणजेच भव्य रक्तदान शिबिर आयोजित केले. संपुर्ण पालघर जिल्हामध्ये जागतिक आदिवासी दिनानिमित्त असा आरोग्याच्या दृष्टीने एकमेव कार्यक्रम आयोजित केल्यामुळे सर्वत्र कौतुक होत आहे.
वाडा तालुक्यात संयुक्त उत्सव कमिटी मार्फत जागतिक आदिवासी दिनानिमित्त रँलीचे आयोजन केले होते,त्यामध्ये तालुक्यातील सर्वच आदिवासी संघटना,सामाजिक संस्था,शिक्षक संघटना,त्याच बरोबर तालुक्यातील समाज बांधव सहभागी झाले होते.
आदिवासी मुक्ती मोर्चा सामाजिक संघटना वाडा तालुका कमिटी आयोजित आदिवासी दिनानिमित्त वाडा ग्रामिण रुग्णालय येथे भव्य रक्तदान शिबिर सपन्न झाले,७४ रक्तदात्यांनी या रक्तदान शिबिरात रक्तदान केले विशेष म्हणजे महिलांचाही सहभाग चांगला होता त्यामुळे संघटनेच्या वतीने सर्वच रक्तदात्यांचे आभार मानण्यात आले.
संपुर्ण पालघर जिल्हामध्ये जागतिक आदिवासी दिनानिमित्त आरोग्य दृष्टीने अत्यंत महत्वाचा असलेला कार्यक्रम म्हणजे रक्तदान शिबिराचे आयोजन केल्याबद्दल सर्वत्र कौतुक होत आहे.
या कार्यक्रम प्रसंगी आदिवासी मुक्ती मोर्चा सामाजिक संघटनेचे अध्यक्ष मा. अनंता वनगा,जिल्हा कमिटी अध्यक्ष मा. अरुण खुलात,जिल्हा कमिटी संघटक मा. नितिन दळवी,वाडा तालुका कमिटी अध्यक्ष मा.दयानंद हरळ,उपाध्यक्ष मा.संतोष जांजर , उपाध्यक्ष मा. आदेश पाटील,सचिव मा नितिन तरे,सहसचिव मा.मुकेश वाकडे,कार्याध्यक्ष मा. वसंत धोदडे , संपर्क प्रमुख मा.लहु बसवंत,संघटक मा. किरण कवटे,वाडा शहर कमिटी उपाध्यक्ष मा.सुनिल तुंबडा,सचिव नरेश ठाणगे,वैभव भोमटे,सुदाम उंबरसाडा,अर्जुन गडग,तसेच असंख्य तालुका कमिटी पदाधिकारी , शहर कमिटी पदाधिकारी उपस्थित होते.
रक्तदान शिबिरासाठी पतंगशाह कुटीर रुग्णालय शासकिय रक्तपेढी जव्हारची टिम,रक्तकर्ण ग्रुपचे प्रा. किरण थोरात सर ,डॉ.भडांगे सर ग्रामिण रुग्णालय वाडा,वाडा शहर व तालुक्यातील रक्तदान करणारे सर्व रक्तदाते,पत्रकार तसेच या शिबिरासाठी सरळहस्ते मदत करणारे यांचे आयोजकांकडुन आभार !
रक्त कर्ण प्रा . किरण थोरात सर .
Total Users : 10829