राजभवन मुंबई येथे स्वातंत्र्य सुवर्णमहोत्सवी वर्षा निमित्त क्रीश स्पोर्टस फाऊंडेशन रक्षाबंधनाच्या कार्यक्रमाचे आयोजन….!
जोहार इंडिया न्यूज 24 (प्रतिनिधी.
पालघर जिल्हा .आपल्या देशाच्या स्वातंत्र्य सुवर्णमहोत्सवी वर्षा निमित्त क्रीश स्पोर्टस फाऊंडेशन यांनी अनुसूचित जमातीसाठी राजभवन मुंबई येथे रक्षाबंधनाच्या कार्यक्रमाचे आयोजन केले होते.
सदर कार्यक्रमासाठी पालघर जिल्ह्यातील काही निवडक व्यक्तींची निवड करण्यात आली होती. यामध्ये पारंपरिक आदिवासी नूर्त्य कलाकार, वारली चित्रकार ई. समावेश होता.
नियोजनाप्रमाणे कार्यक्रम सकाळी११:३० वाजता सुरु झाला. सुरवातीला राजभवनाच्या प्रवेश द्वाराजवळ मा. राज्यपाल महोदय श्री. भगतसिंह कोशारी साहेबांनी आदिवासी समाजाचे आमंत्रित मान्यवर व कलाकार यांच्या सोबत फोटो काढले.
राजभवनात प्रवेश करताच चार टेबल लावले होते. त्यात वारली चित्रकार विजय वाडु,खगोलशास्त्रज्ञ चंद्रकांत घाटाळ, बाबु वस्तु कलाकार वनश्या भुजड यांचा व ग्राम मंगल शाळेचे कलाशिक्षक यांचा समावेश होता.
व्यासपीठावर मा. राज्यपाल यांचे स्वागत क्रीश स्पोर्टसचे सर्वेसर्वा नवीन शेट्टी यांनी केले. त्यानंतर ग्राममंगल शाळेतील शिक्षिकांनी व इतर आदिवासी महिलांनी मा. राज्यपाल यांना राख्या बांधल्या. नंतर जव्हार येथील कलापथकाने पारंपारिक गवरीनाच व तारपानाच केला. त्यानंतर आदिवासी समाजातील मान्यवर यांत बांबु पासुन विविध वस्तु तयार करणारे वनश्या भुजड, आदिवासी खगोलशास्त्रज्ञ चंद्रकांत घाटाळ, वारली चित्रकार विजय वाडु तसेच कवी रवी बुधर यांचा शाल श्रीफळ देवुन क्रीश स्पोर्टस फाऊंडेशन चे अध्यक्ष श्री.नवीन शेट्टी व त्यांच्या पत्नी यांच्या हस्ते सत्कार करण्यात आला. कार्यक्रमाचे सुत्र संचालक जव्हार तालुक्यातील प्रसिध्द कवी रवी बुधरसर यांनी केले.
कार्यक्रम आटोपल्यानंतर सगळ्या पाहुण्यांच्या जेवणाची सोय राजभवनात करण्यात आली होती. जेवणानंतर राजभवन दर्शन कार्यक्रमात म्युझियम व राजभवन परिसरातील सर्वच इमारतींचे ऐतिहासिक महत्व यांची माहिती देण्यात आली.
मा. राज्यपाल महोदय यांचा कार्यक्रम असल्याने कार्यक्रमाचे नियोजन अतिशय सुनियोजित पणे करण्यात आले होते. यामध्ये सर्वच पाहुण्यांची पाच दिवस आधिच कागदपत्र मागवून त्यांची यादी राजभवनात सादर करावी लागते. त्याशिवाय किंव्हा वेळेवर कोणालाही प्रवेश दिला जात नाही. तर ही संपूर्ण जबाबदारी संस्थेचे सदस्य श्री. प्रमोद कदमसर यांनी पार पाडली.
Total Users : 10829