विक्रमगड विधानसभेचे आमदार सुनील भुसारा यांचे बंधू बाळकृष्ण (पप्पू) भुसारा जिजाऊ संघटनेत प्रवेश केला.
जोहार इंडिया न्यूज 24 (प्रतिनिधी )
पालघर जिल्ह्यात शिक्षण, आरोग्य, स्पर्धा परीक्षा आणि अनेक सामाजिक उपक्रम राबवत जिजाऊने आपली छाप पाडायला सुरुवात केली आहे. अशातच जिजाऊ संघटनेच्या झडपोली येथील कार्यालयात रविवारी विक्रमगड विधानसभेचे आमदार सुनील भुसारा यांचे बंधू बाळकृष्ण (पप्पू) भुसारा यांनी नीलेश सांबरे यांच्या उपस्थितीत जिजाऊ संघटनेत प्रवेश केला.
त्यांच्यासोबत रिपब्लिकन पार्टी ऑफ इंडिया, आठवले गटाचे पालघर जिल्हा कोषाध्यक्ष राजेंद्र दोंदे यांनी जाहीर प्रवेश केला. बाळकृष्ण भुसाराच्या प्रवेशाने आमदार सुनील भुसारांना मोठा धक्का बसला आहे.
जिजाऊ संघटनेत प्रवेश करतेवेळी बाळकृष्ण यांनी सांगितले, की मोखाडा तालुक्यात आरोग्य, शिक्षण, रस्ते, रोजगार, महिलांच्या समस्या अशा अनेक समस्या आहेत. विक्रमगड विधानसभेला आमदार लाभला, पण समस्या कायम आहेत. कोणतही पद नसताना जिजाऊ संघटनेचे संस्थापक अध्यक्ष नीलेश सांबरे या सर्व समस्या निःस्वार्थपणे सोडवत आहेत. या सेवेला साथ द्यावी या एकमेव उद्देशाने आपण जिजाऊ संघटनेत प्रवेश केला आहे; तर नीलेश सांबरे यांनी सांगितले, की जिजाऊ संघटनेमार्फत संपूर्ण विक्रमगड, जव्हार, मोखाडा, वाडा, डहाणू तालुक्यांच्या विकासासोबतच शिक्षण व आरोग्य सक्षम करण्याचा आमचा ध्यास आहे
Total Users : 10828