खासदार राहुल गांधींसाठी व वाढती महागाई काँग्रेस उतरली रस्त्यावर…
दीपक भोये विक्रमगड ji24news.
महाराष्ट्र प्रदेश काँग्रेसने व पालघर जिल्हा काँग्रेसने सूचित केल्याप्रमाणे बुधवार दिनांक 29 मार्च रोजी केंद्र सरकारच्या विरोधात धिक्कार व निदर्शने विक्रमगड तालुका काँग्रेस तर्फे करण्यात आली.
नुकतीच काँग्रेस पक्षाचे खासदार तथा ज्येष्ठ नेते राहुल गांधी यांची खासदारकी रद्द करण्यात आली. याच्या निषेधार्थ विक्रमगड शहरातील बाजारपेठेत रत्यावर हा कार्यक्रम करण्यात आला.
या वेळी वाढती महागाई ,इंधन दरवाढ, गॅसच्या वाढत्या किमती, शिधापत्रिका धारकांना मिळणारे निळे रॉकेल रद्द केले ,शेतकरी वर्गाची परवड अनेक विषयावर केंद्र सरकारचे लक्ष वेधण्यात आले .
2014 ते 2019 या दोन्ही सार्वत्रिक निवडणुकीत दिलेले आश्वासन याची पूर्तता न झाल्याने सर्वसामान्य जनता त्रासली आहे. त्याचे काहीही सुयर -सुतक केंद्र सरकारला राहिले नाही .असे परखड विचार विक्रमगड तालुका काँग्रेसचे अध्यक्ष घनश्याम आळशी यांनी आपल्या भाषणात मांडले.
राहुल गांधी यांची रद्द केलेली खासदारकी त्यांना त्वरित परत बहाल करावी म्हणून राष्ट्रपती यांना विक्रमगड तहसीलदार मार्फत निवेदन देण्यात आले. याप्रसंगी अशोक पटेल ,बबन गायकवाड ,कृष्णा साठे ,भास्कर डबका ,शांताराम रहाणे, जितेंद्र प्रभू, अरुण शेलका ,सखाराम जाधव ,रवींद्र ठाकूर, ज्योत्स्ना महाले, पांडुरंग पाटील व काँग्रेस कार्यकर्ते उपस्थित होते.
Total Users : 10829