6 व्या कल्याण ट्रॉफी स्केटिंग ओपन चॅम्पियनशीपमध्ये मोखाडा तालुक्याचे सुवर्ण यश…
जोहार इंडिया 24 न्यूज टिटवाळा प्रतिनिधी
शहाड दि.30 एप्रिल रोजी 6 वी कल्याण ट्रॉफी स्केटिंग ओपन चॅम्पियनशिप – 2023 दि.30/04/2023 रोजी शहाड येथील रिजन्सी अँटीलिया ता.कल्याण जि.ठाणे येथे पार पडली. ही स्पर्धा ओपन चॅम्पियनशीप असल्यामुळे पालघर,ठाणे,मुबंई,मुंबई उपनगर इ. जिल्ह्यांमधून जिल्ह्यांमधून शेकडो स्केटर्स सहभागी झाले होते.
या स्पर्धेत मोखाडा तालुक्यातील कु.दक्षतनया रामदास गाडर हिने स्पीड इनलाईन मुलींच्या लॉंग रेस मध्ये 12 वर्षे वयोगटात सुवर्ण पदकाची कमाई केली आहे तर कु.उत्कर्षा रामदास गाडर ( 9 वर्षे ) हिने देखील स्पीड क्वाड स्केटिंग लॉंग रेसमध्ये मुलींच्या 10 वर्षे वयोगटात सुवर्ण पदकाची कमाई केली आहे.
मोखाडा तालुक्यातील गाडर भगिनींनी मोखाडा तालुक्याबरोबरच पालघर जिल्ह्याचे नाव उज्ज्वल केले केले आहे.त्यांच्या या सुवर्ण यशामुळे त्यांच्यावर कौतुकाचा वर्षाव होत आहे.
Total Users : 10829