एमआयडीसी बोईसर येथे जनसंवाद भव्य रोजगार मेळावा संपन्न…
प्रतिनिधी -दीपक भोये. ji24news विक्रमगड
पालघर – दिनांक १७ मे २०२३ रोजी पालघर जिल्हातील सर्व तालुक्यातील बेरोजगार तरुण – तरुणींना विविध कंपन्यांमध्ये शैक्षणिक पात्रतेनुसार नोकरीची संधी उपलब्ध करून देण्याकरिता एमआयडीसी बोईसर येथे रोजगार मेळावा आयोजित करण्यात आला.पालघर जिल्हा पोलिस दल यांच्या वतीने जनसंवाद अभियान अंतर्गत रोजगार मेळाव्याचे आयोजन करण्यात आले होते.
सदर मेळाव्याचे आयोजन करण्याकरिता बाळासाहेब पाटील पोलीस अधीक्षक पालघर यांचे मोलाचे मार्गदर्शन लाभले . सदर मेळाव्याचे उद्घाटन गोविंद बोडगे पालघर जिल्हाधिकारी यांच्या शुभहस्ते व बाळासाहेब पाटील पोलिस अधीक्षक पालघर यांच्या प्रमुख उपस्थितीत पार पाडले.
सदर रोजगार मेळाव्यामध्ये १० हजार बेरोजगार तरुण तरुणींनी नावनोंदणी केली होती आणि २१० औद्योगिक आस्थापना विभाग यांनी रजिस्ट्रेशन केले असून या मध्ये पोलीस अधीक्षक पालघर बाळासाहेब पाटील यांनी एक सामाजिक बांधिलकी जपत जनसंवाद अभियान अंतर्गत भव्य रोजगार मेळाव्याचे आयोजन ३ दिवस केले आहे .
Total Users : 10829