रोटरी क्लब ऑफ दिवा ठाणे अध्यक्षपदी हर्षद सोमनाथ भगत यांची निवड
ji24news thane
गुरुवार दि 8 जून 2023 रोजी रोटरी क्लब ऑफ दिवा ठाणे या क्लबच्या वर्धापन दिना निमित्त नवीन अध्यक्षांचा पदग्रहण सोहळा मोठ्या दिमाखात पार पडला. प्रमुख पाहुणे म्हणून रोटरी जिल्हा 3142 प्रांतपाल मिलिंद कुलकर्णी तसेच उपप्रांतपाल संजीव जोशी उपस्थित होते.
त्यांच्या हस्ते नवनिर्वाचित अध्यक्ष हर्षद भगत यांना अध्यक्ष पदाचा तर आदित्य पाटील यांना सचिव पदाचा कारभार सोपवण्यात आला. या प्रसंगी मावळते अध्यक्ष रोटरियन अभिषेक ठाकूर यांनी नवीन अध्यक्षांना पुढील वाटचालीसाठी मार्गदर्शन केले. नवनिर्वाचित अध्यक्ष हर्षद भगत यांनी याप्रसंगी दिवा शहरात अत्याधुनिक डायलिसिस केंद्र उभारण्याची तसेच दिवास्थानक सुशोभीकरण, दिव्यातील नागरिकांकरिता विविध आरोग्य तपासणी, विद्यार्थ्यांकरीता दिवा ओलंपियाड आयोजन करणे तसेच महिला सशक्तिकरण करीता कार्यक्रम राबविण्याची हमी दिली.
रोटरी क्लब ऑफ दिवा ठाणे मध्ये गजानन पाटील ,अंकुर मुंडे, डॉ. पराग जोशी यांचे नवीन सदस्य म्हणून स्वागत करण्यात आले.
त्याचबरोबर या कार्यक्रमासाठी रोटरियन स्वप्निल गायकर, साईनाथ म्हात्रे, युवराज बेडेकर , अभिजीत अलीमकर , डॉ. कुणाल गायकर, नंदू किणे, किशोर पाटील ,गणेश टावरे , प्रवीण म्हात्रे , प्रतीक बेडेकर ,वैष्णव पाटील उपस्थित होते. या कार्यक्रमाचे सूत्रसंचलन रोटरीन अमिता गायकर यांनी केले. याप्रसंगी क्लब मधील सर्व सदस्यांनी हर्षद भगत यांना कार्यासाठी शुभेच्छा दिल्या.
Total Users : 10829