इंदिरा गांधी विद्यालयात शिक्षक दिन उत्साहात साजरा
प्रा.दिनेश राठोड ji24news जिल्हा प्रतिनिधी – वर्धा
वर्धा : डॉ.सर्वपल्ली राधाकृष्णन यांच्या जयंतीनिमित्त देशभर विविध कार्यक्रम साजरे होत असतानाच इंदिरा गांधी माध्यमिक विद्यालय व कला वाणिज्य कानिष्ठ महाविद्यालय वडणेर ता. हिंगणघाट जि.वर्धा येथे शालेय विद्यार्थानी शाळेतील शिक्षकांचा पुस्तक, फुले आणि पेढा भरवून सत्कार करण्यात आला. यावेळी विद्यार्थ्यांंनी शिक्षकांबद्दल आदराची भावना व्यक्त करणारी मनोगते सादर केली. शिक्षकांवर तयार केलेल्या कविता सादर केल्या. शिक्षकांनी डॉ. राधाकृष्णन यांची माहिती मुलांना सांगून आपल्या शिक्षकांचे स्मरण केले. त्यानंतर
शिक्षक बनलेल्या विद्यार्थ्यांनी परिपाठापासून ते सर्व तासिका शिकवण्याचे काम केले.
अशाप्रकारे मुलांनी शिक्षक दिन साजरा केला. शिक्षक झालेल्या विद्यार्थांनी शेवटी असे सांगितले की शिक्षकी पेशा हा पवित्र असून त्यात समाधान आणि आनंद आहे. पण कष्ट तेवढेच करावे लागतात. लहान मुलांना शिकवणे अवघड काम आहे. आमचे शिक्षक हे अवघड काम करत आहेत. आम्हाला आमचे बालपण जगण्याची संधी मिळाली, असे शिक्षकांनी सांगितले.याप्रसंगी विविध कार्यक्रम आयोजित करण्यात आले या कार्यक्रमाचे अध्यक्षस्थान प्राचार्या व्ही सी खैरे यांनी भूषविले तर प्रमुख पाहुणे म्हणून प्रा.शरद ढाले उपस्थित होते कार्यक्रमाचे नियोजन प्रा.प्रणाली दोड आणि प्रा.स्मिता ठवले यांनी केले व सूत्रसंचालन वर्ग 9 वी व 10 च्या विद्यार्थ्यांनी केले या कार्यक्रमात इतर प्राध्यापकवृंद शिक्षकवृंद, शिक्षकेतर कर्मचारीवृंद व असंख्य विद्यार्थी उपस्थित होते.
Total Users : 10829