वाड्यात आदिवासींचा दोन तास रास्ता रोको…..
आरक्षण व नोकरीसाठी आदिवासींचा संघर्ष ….
वाडा ;ji 24 न्यूज
वाडा : सरकारच्या मनमानी धोरणाचा निषेध करण्यासाठी व विविध मागण्यांसाठी वाडा -भिवंडी-मनोर या राज्य महामार्गावर येथील खंडेश्वरी नाका येथे दोन तास रास्ता रोको आंदोलन केले. त्यानंतर तहसीलदार कार्यालयावर नेलेल्या मोर्चाचे जाहीर सभेत रूपांतर करण्यात आले. आदिवासी संघर्ष समितीच्या नावाने आदिवासी समाजातील विविध संघटना यावेळी एकत्रित झाल्या होत्या.
वाडा तालुका आदिवासी संघर्ष समितीच्या वतीने बुधवारी खंडेश्वरीनाका येथे रास्ता रोको करून तहसील कार्यालयावर धडक मोर्चा काढण्यात आला होता.
धनगर (धनगड) समाजाला आदिवासी समाजाच्या कोट्यातून आरक्षण देण्यात येऊ नये, पेसा भरतीची त्वरित अंमलबजावणी करावी, महाराष्ट्र शासनाने ६ सप्टेंबरचा कंत्राटी नोकरभरती करण्यासाठी काढलेला शासननिर्णय त्वरित रद्द करणे, महाराष्ट्र राज्यातील ६२ हजार सरकारी शाळांचे खासगीकरण पूर्णपणे बंद करावे, ६ जुलै २०१७ च्या सर्वोच्च न्यायालयाने दिलेल्या निकालांचा सन्मान राखून १७ पदांची सरकारी नोकरभरती त्वरित करावी, बोगस आदिवासींची चौकशी करून या कर्मचाऱ्यांचे तात्काळ निलंबन करावे, भूमिहीन कुटुंबाच्या घराखालील जागा त्वरित त्या कुटुंबाच्या नावे करणे, भूमिहीन आदिवासी कुटुंबाला पाच एकर जमीन त्वरित वाटप करावी, वनदावे आदिवासींच्या नावे करावेत, पेसा कायद्याची अंमलबजावणी त्वरित करावी, अशा विविध मागण्यांचे निवेदन या वेळी वाडा तहसीलदार यांना देण्यात आले.
Total Users : 10829