७ सप्टेंबर रोजी खग्रास चंद्रग्रहण.
*७ सप्टेंबर रोजी खग्रास चंद्रग्रहण*
भाद्रपद पौर्णिमा,रविवार दिनांक ७ सप्टेंबर रोजी एक महत्वाची खगोलीय घटना म्हणजे या तारखेच्या रात्री खग्रास चंद्रग्रहण होणार आहे. या ग्रहणाचे वैशिष्ट्य म्हणजे हे ग्रहण संपूर्ण भारतातून दिसेल.
रविवार ७ सप्टेंबरच्या रात्री ९.५७ मिनिटांनी ग्रहणाला सुरवात होऊन मध्यरात्री ११ .४२ ला ग्रहणाचा मध्यकाळ असेल. तर रात्री १.२७ वाजता ग्रहण संपेल. यात खग्रास काळ रात्री ११ वा. पासून उत्तरात्री १२.२२ पर्यंत असेल. ग्रहणाचा एकूण कालावधी सुमारे ३ तास ३० मिनीटे असेल तर खग्रास कालावधी सुमारे १ तास २३ इतका मिनिटे असेल.
धार्मिक विधी नुसार अनेक विधी, व्रत.. सांगितले आहेत. ते विधी, व्रत पाळणे न पाळणे हा ज्याचा त्याचा आस्थेचा व्यक्तिगत प्रश्न असला तरी मी स्वतः मात्र याकडे एक अद्भुत खगोलीय घटना या दृष्टीने पाहतो. खासकरून चंद्रग्रहण.. कारण सूर्यग्रहणात प्रखर किरणांचा उघड्या डोळ्यांना त्रास होतो. हे सत्य असले तरी चंद्रग्रहणात मात्र तसे नाही.कोणतेही चंद्रग्रहण आपण उघड्या डोळ्यांनी पाहू शकतो; यासाठी कोणत्याही ग्रहणचष्म्याची आवश्यकता नाही.
सध्या आपल्या पालघर जिल्ह्यात पावसाचे वातावरण असल्याने ढगाळ वातावरणामुळे हे खग्रास चंद्रग्रहण दिसेलच असे नाही. तरी ज्याला जसं शक्य आहे तसं त्याने या अद्भुत खगोलीय घटनेचा आस्वाद घ्यावा असे आवाहन आम्ही आमच्या अनुजा अवकाश निरीक्षण केंद्र कासा तर्फे करत आहोत. हे खग्रास चंद्रग्रहण आपण रात्री ९.५७ ते १.२७ पर्यंत आपल्या गच्चीवरून किंव्हा मोकळ्या जागी आकाशात उघड्या डोळ्यांनी सहज पाहू शकता;म्हणून आमच्या केंद्राने काही विशेष सोय केलेली नाही. कृपया याची नोंद घ्यावी.
– चंद्रकांत घाटाळ
संचालक – अनुजा अवकाश निरीक्षण केंद्र Salm
Total Users : 10828