घानवळ गावातील जंगलात वाघाच्या दहशतीमुळे नागरिकांमध्ये घबराट…
मोखाडा प्रतिनिधी – रामदास गाडर
जंगलच्या राजाचा रुबाब व आक्रमकता सर्वश्रुत आहेच ; किंबहुना हे सुंदरबनातील वाघांच्या जीवनावरील आधारित ‘रोअर’ या हिंदी चित्रपटात ही आक्रमकता आणि तसेच वाघ आपल्या पिल्लांना वाढवताना किती काळजी घेतो हे बघितलं आहे.मात्र हा थरारक फिल्मी अनुभव सध्या मोखाडा तालुक्यातील (जि.पालघर ) घानवळवासीय घेत आहेत.
घानवळ गावाच्या जगंलालगत नासिक जिल्ह्याची हद्द असून तोरंगण,नीलमती,आडगाव – देवळा हा दाट जंगलाचा पट्टा आहे.त्यामुळे या परिसरात कायम जंगली हिंस्र प्राण्यांचा वावर असतो. याचाच एक भाग म्हणून सध्या घानवळच्या जंगलात व गावालागत वाघ आपल्या दोन पिल्लांसह वावरत आहे.त्यामुळे घानवळ या महसुली गावातील जांभूळमाथा,रुईपाडा आणि बलद्याचापाडा येथील ग्रामस्थ भयभीत झाले शेतातील कामे लवकर आटोपून येत असून संध्याकाळ झाली की ते घराबाहेरदेखील पडत नाहीत. याच वाघाने श्री.गंगा कांदडे यांच्या दोन गायिंचा फडशा पडला आहे.त्यामुळे नागरिकांना भीतीबरोबरच आर्थिक नुकसानीला देखील सामोरे जावे लागत आहे. याबाबत नागरिकांनी मोखाडा येथे वनविभागाला कळवले असून या वाघाचा तात्काळ बंदोबस्त करावा अशी मागणी केली आहे. त्याअनुषंगाने मोखाडा वनविभागाने वाघाने शिकार केलेल्या गायिंचा पंचनामा केला असून ते या संदर्भात बारीक लक्ष ठेवून आहेत.तसेच त्यांनी नागरिकांना घाबरून न जाता सुरक्षितता म्हणून संध्याकाळी लवकर शेतात घरी यावे व रात्री घरातून बाहेर पडू नये असे आवाहन केले आहे.
Total Users : 10828